Plantun de Prouvènço

Pèr coumpara dos planto d'encò nostre

Cuscuta planiflora & Ophrys saratoi

Péu-de-lin(-di-flour-plano)

Cuscuta planiflora

Convolvulaceae

Àutri noum : Péu-de-lin, Péu-de-damo, Rasco, Barbo-de-mouine, Cuscuto.

Nom en français : Cuscute à fleur plane.

Descripcioun :
Lou péu-de-lin-di-flour-plano douno d'èr à Cuscuta epithymum, pamens li flour soun blanco e pu pichoto. Es uno planto coumuno en basso Prouvènço au contro de sa cousino que mounto mai. Se n'en destrìo subretout que li sepalo an de lobe redoun e pas pounchu. Bessai que s'agirié de la memo meno qu'eisisto de bastard.

Usanço :
Li péu-de-lin soun pas acampa au nostre. Caupon un glucoside, la cuscutino, qu'ajudo à caga e à secreta la bilo. La cuscuto de Chino, Cuscuta sinensis, èi vertuouso contro li proublèmo de proustato e d'ourmono encò lis ome o li femo. Se chabis en gelulo dins lou coumèrci. Tant se poudrié que siegue parié pèr li nostre.

Port : Erbo
Taio : 10 à 30 cm
Fueio : ges
Tipe bioulougico : Teroufite
Cicle bioulougico : Planto de l'an

Gènre : Cuscuta
Famiho : Convolvulaceae

Ordre : Solanales

Coulour de la flour : Blanco
Petalo : 5
Ø (o loungour) enflourejado : 4 à 6 mm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Mai à avoust

Liò : Tepiero seco - Relarg à jóuinis aubret
Estànci : Termoumediterran à Coulinen
Couroulougi : Éurimediterrano
Ref. sc. : Cuscuta planiflora Ten., 1829

Aragno(-de-Sarato)

Ophrys saratoi

Orchidaceae

Noms en français : Ophrys de la Drôme, Ophrys de Sarato.

Descripcioun :
L'aragno-de-Sarato, dedica au naturaliste epounime, trachis dins li colo d'auto Prouvènço. Se recounèis à si sepalo e petalo roso, sa labreto pu longo que larjo emé un escudet vióulet. Ei proche de l'aragno-de-Bertoloni mai la labreto èi pu courto eici (< 12,5 mm) e mai plano (ges de gibo). Coumpara emé l'aragno-de-Bertoloni que ié sèmblo proun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 15 à 40 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Ophrys
Famiho : Orchidaceae

Ordre : Asparagales

Coulour de la flour : Brunello
Petalo : irreguliero
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun
Remarco : Endemico de Prouvènço e Dóufina

Liò : Tepiero seco - Ermas - Colo - Roucaio
Estànci : Mesoumediterran à Mountagnard
Couroulougi : Pancaro entresigna
Ref. sc. : Ophrys saratoi E.G.Camus, 1893

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Cuscuta planiflora & Ophrys saratoi

ges

Coumpara Péu-de-lin(-di-flour-plano) emé uno autro planto

Coumpara Aragno(-de-Sarato) emé uno autro planto